Non é, certamente, algo privativo noso, pero é que en nós é un sentido que parece abranguer dimensións cósmicas, un sentido que nos leva a atraer calquera manifestación (veña de onde veña) que teña que ver con ese, digamos, sétimo sentido (por chamalo dalgún xeito), e a porfillala. Dándolle, iso si, un toque nativo. Por exemplo: o último berro (dito a xeito de metáfora) nos medios ambientais é o da zona acústicamente saturada, ou sexa, lugar ruidoso, coñecida coas sonoras siglas ZAS.

Un acrónimo usado desde hai tempo por aí adiante, e que nós, por suposto, non dubidamos en adoptar inmediatamente, pero de forma peculiar, porque, índolle o de ZAS como un guante á cidade enteira, por que os nosos mandatarios locais deciden agora focalizar esta denominación entre agresiva e expeditiva nos arredores dos locais de copas? Estamos diante dunha ocorrencia (zas!) repentina, ou será puro preelectoralismo? Ou serán as dúas cousas?